Malpera Fermî ya Şehîdan

PKK İnternet Sitesi

PAJK İnternet Sitesi

Gerilla TV

YJASTAR Sitesi

 

Ji Çapemenî û Raya Giştî Re!

1. Di 2'ê Cotmehê de li herêma Glîdaxê ya eyaleta Serhedê kesekî xiyanet kir û teslîmî dijmin bû. Li gorî agahiyê ku wî xayînî da dijmin, artêşa Tirk a dagirker li herêmê dest bi operasyoneke berfireh kir.

Di sibeha 3'ê Cotmehê de di navbera hêzên me û dagirkeran de şer dest pê kir. Piştî vî şerî saet di 19:30'î balafirên şer bombardûmaneke giran li herêmê kirin û vê bombardûmanê heta saet 22:30'î dewam kir. Ji ber vê bombardûmanê tiştek bi hêzên me nehat.

4'ê Cotmehê saet di 18:30'î de artêşa Tirk a dagirker bi 3 helîkopterên bi tîpa kobra û 5 helîkopterên bi tîpa skorsky dor li qada ku hêzên me lê bûn girtin û leşker danîn herêmê. Lê belê dagirkerên bi helîkopterê hatin danîn û yekîneyên veşartî yên dagirker ên li herêmê ketin panîkê û bi hev re şer kirin. Şerê navbera dagirkeran 35 deqeyan dewam kir. Piştre jî helîkopteran 7 caran xwe li herêmê danîn û mirî û birîndarên xwe birin. Artêşa Tirk a dagirker diyar kir ku li vê derê tenê dagirkerê bi navê Huseyîn Çildir miriye. Lê belê ev ne rast e, hejmara mirî û birîndarên wan zêdetir e.

5'ê Cotmehê saet di 19:00 de dema ku hêzên me hewl didan ji dorpêça operasyonê rizgar bibin, şer qewimî. Vî şerî heta saet 22:00 dewam kir. Li vê derê gelek dagirker hatin cezakirin û birîndar bûn. Artêşa Tirk a dagirker qada şer heta saet 23:00 bi helîkopteran bombe kir û piştre mirî û birîndarên xwe ji herêmê bir.

6'ê Cotmehê saet di 06:30'î de artêşa Tirk a dagirker bi gavekê xwe vekişandin. Piştî vê vekişînê jî balafirên şer bombe li qada ku hêzên me lê bûn barandin. Heta êvarê heman qad 4 carên din bombe kirin. Di heman demê de bi helîkopteran jî qad bombe kirin û xwestin ku hêzên me bêhtir dorpêç bikin.

7'ê Cotmehê bi agahiyên kesê ku xiyanet kirî, dor bêhtir teng kirin û ketin hin nuqteyên berê yên hêzên me ku hêzên me ew dever terikandibûn.

9'ê Cotmehê saet di 09:00 de dagirkeran xwestin bikevin nuqteyeke din a gerîla. Hêzên me ev hêza dagirker kontrol kirin û derbên giran lê dan. Di encamê de yek jê efserekî bi paye bi giştî 3 çawişên pispor hatin cezakirin. Hêzên me çûn ser cenazeyên her sê dagirkeran, debanceyek, şarjorên wan, êlekekî êrişê, cîhazeke biçûk û 5 şarjorên M16 rakirin. Cenazeyên dagirkeran li vê derê 12 saetan di bin kontrola hêzên me de man. Artêşa Tirk a dagirker xwest bi helîkopteran cenazeyên xwe û leşkerên xwe yên birîndar bibin. Lê belê ji ber ku bi ser neket, bombeyên destan û gazê bi kar anîn. Tevî vê yekê jî nekarî kontrola gerîla bişikînin.

10'ê Cotmehê saet di 10:00 de artêşa Tirk a dagirker bi bombeyên fosforê bombardûman li qada ku hêzên me lê bûn kirin û cenazeyên leşkerên dagirker jî şewitandin. Di encama vê bombardûmanê de agir bi derdorê ket.

11'ê Cotmehê bi helîkopterên bi tîpa kobra operasyoneke din hate destpêkirin. Lê belê ev operasyon nekarî zêde bi pêş ve biçe û êvarê heta astekê xwe vekişandin. Vê operasyonê di navbera 12 û 27'ê Cotmehê de dewam kir.

Hêzên me di vê operasyona dagirkeriyê de bi xwînsarî tevgeriya û bi rêbaza serdema nû ya gerîla, êrişên dijmin ên bi teknîkê pûç kirin. Li qadê bi manewrayan dorpêçî têk birin û ev hewldana li dijî xwe veguherandin operasyoneke şoreşger a li dijî dagirkeran. Artêşa Tirk a dagirker li pêşberî profesyoneliya hêzên me neçar ma ku 3 caran hêzên xwe biguherîne. Tevî dagirkeran gelek kontra û cerdevan jî tevlî vê operasyonê bûn. Artêşa Tirk di vê operasyonê de bi obus û hawanan hêzên xwe jî bombe kir û bi bombeyên fosforê cenazeyên xwe şewitandin.

Hejmara dagirkerên ku hatine cezakirin û hêzên me çûn ser cenazeyên wan 3 ne. Lê belê hejmara dagirkerên hatin cezakirin û birîndar bûne zêdetir e. Yek jê efserekî bi paye 3 çawişên pispor hatin cezakirin. Her wiha fermandarê dagirker ê operasyona dagirkeriyê bi rê ve dibir birîndar bû.

2. Hêzên me di çerçoveya Pêngava Şoreşgerî ya Cenga Heftenînê de;

- Di 10’ê Mijdarê de saet di 08.30’an de li Girê Xaç a Qada Xantûrê ya herêma Heftanînê li dijî dagirkeran çalakiyek hatiye lidarxistin. Dema ku komek dagirker di çeperekê de kom bûne, hêzên me li wan dan. Li vê derê 2 dagirker hatin cezakirin û çeper jî hate îmhakirin.

- Di 10’ê Mijdarê de li dijî Girê Îndîrme ya Xantûrê li dijî artêşa Tirk a dagirker çalakiyeke sûîkastê hate lidarxistin. Li vê derê dagirkerek hate cezakirin.

Piştî van her du çalakiyan artêşa Tirk a dagirker bi çekên giran li dora qada çalakiyê dane.

3. Balefirên şer ên artêşa Tirk a dagirker li ser Herêmên Parastinê yên Medyayê êrîşên hewayî pêk anîn. Hûrguliyên êrîşên pêkhatî bi vî awayî ne:

- Di 7’ê Mijdarê de saet di 15.50’an de dora gundê Şêhê ya Garê, 

- Di 8’ê Mijdarê de saet di 11.50’an de dora gundê Lewcê ya Qendîlê, 

- Di 9’ê Mijdarê de saet di 19.00’an de qada Kolîtê ya herêma Xakurkê hatiye bomberdûmankirin.

Di van êrîşên hewayî de tiştek bi hêzên me nehatiye.

12’ê Mijdara 2020

Navenda Ragihandin û Çapemeniya HPG’ê