Malpera Fermî ya Şehîdan

PKK İnternet Sitesi

PAJK İnternet Sitesi

Gerilla TV

YJASTAR Sitesi

 

Ji Çapemenî û Raya Giştî Re!

Artêşa Tirk a dagirker piştî ku 3'ê Cotmeha 2020'an li mintiqeya Horselê ya qada Şehîd Serxwebûn a Amedê bombardûmaneke giran kir, 4'ê Cotmehê bi helîkopteran hêzên xwe danî herêmê û dest bi operasyoneke dagirkeriyê kir. Ev operasyon êvara 4'ê Cotmehê bi vekişîna hêzên dagirker bi dawî bû. Ji ber bombardûman û şer hevrêyên me Amara û Doga şehîd bûn.

Agahiyên li ser nasnameya hevrêyên me yên şehîd bûne wiha ne:

 

Nasnav: Amara Ronahî

Nav paşnav: Muzeyyen Aydinli

Cihê jidayikbûnê: Êlih

Dayik-Bav: Mûhsîne-Yûsûf

Dem û cihê şehadetê: 3'ê Cotmeha 2020 / Amed

Amara – Muzeyyen Aydinli

 

Nasnav: Doga Rizgar

Nav paşnav: Eylem Moço

Cihê jidayikbûnê: Amed

Dayik-Bav: Aysel-Seyîthan

Dem û cihê şehadetê: 3'ê Cotmeha 2020 / Amed

Doga – Eylem Moço

Hevala me Amara ku bi eslê xwe ji navçeya Misirc a Sêrtê bû, li Êlihê li nava derdoreke welatparêz ji dayik bû. Polîtîkayên qirkirinê û asîmîlasyonê yên dagirkeran ên li ser gelê Kurd ji nêz ve dît. Komkujiyên ku dagirkeran timî li ser gelê Kurd rewa didîtin ti carî qebûl nekir û sala 2003'an tevlî nava refên Tevgera Azadiyê ya Kurdistanê bû. Hevrê Amara ku ji bo bersivê bide komploya navneteweyî ya li dijî Rêbertî tevlî nava refên gerîla bû, ji roja ku tevlî bû û pê ve xwe di îdeolojiya jinên azad a Rêbertî de kûr kir. Li ser vê bingehê bi sekn û mîsyoneke fedayî rabû. Wezîfe û berpirsyariyên xwe hemû bi rengekî bêkêmasî bi cih anî û di nava têkoşîna xwe de timî bi rengekî fedakar, pak û kedkar tevlî bû. Hevala me Amara ku li gelek qadên têkoşînê wezîfeyên cuda da ser milê xwe û her wezîfe bi rengekî serketî bi cih anî, herî dawî li Eyaleta Amedê kar kir û bi berpirsyariya fermandariyeke pêşeng rabû. Li hemû qadê ku lê ma, bi awayekî çalak tevlî pêngavan bû û bi israra xwe ya tevlîbûna li karên zehmet û bi kesayetiya xwe ya dilnizm timî di nava hevrêyên xwe de bû fermandareke pêşeng a jê dihate hezkirin. Di dema artêşbûna jinê YJA Starê de ji bo afirandina gerîlayên profesyonek kedeke mezin da. Hevala me Amara bi tevlîbûna xwe ya fedayî ya li nava jiyanê, bi biryardariya xwe ya li têkoşînê, bi rêbaza xwe ya fermandariyê û bi pîvanên jinên Kurd ên Azad ku di kesayetiya xwe de şênber kir, wê ji bo me timî bibe rêberek. Wêrekiya wê ya li dijî dijmin, fedakarî, hevrêtî, hezkirin, dilsoziya bi gel, şehîdan û Rêbertî wê ji bo me bibe mînak.

Hevrêya me Doga li Amedê li nava malbateke welatparêz ji dayik bû û li derdoreke têkoşer mezin bû. Li dijî pêkanînên qirker ên dewleta Tirk a faşîst têgihiştî ku têkoşîna herî xurt û yekane tevlîbûna li nava refên gerîla ye, lewma tevlî nava refên azadiyê bû. Bi hêrseke mezin û bi daxwazeke xurt a têkoşînê bi berxwedanê bersiv da êrişên qirker ên dijminê mêrtinger. Hevrêya me Doga bi îradeya xwe ya qewîn, bi çanda berxwedanê ya Apoyî, bi mînaka lehengiyê ku li dijî dewleta Tirk a mêtinger nîşan da, di nava karwanên şehîdan ên Têkoşîna Azadiyê ya Kurdistanê de cihê xwe yê pîroz girt.

Weke şopdarên Amara û Doga, em soz didin ku em ê têkoşîna hevrêyên şehîd ên leheng bi ser bixînin û di serî de ji malbatên şehîdên xwe yên leheng, em sersaxiyê ji tevahiya gelê Kurdistanê yê welatparêz re dixwazin.

8’ê Midara 2020

Navenda Ragihandin û Çapemeniya HPG’ê